一個「被河蟹」的「專政幫兇」的自述

自03年七一遊行起今年2012年已經步入第十個年頭，七一遊行已經成為一個常規既平台，比社會各界於七月一日呢個回歸紀念日提出對社會各樣既訴求，無論係民生的、經濟的抑或係政治的皆會在遊行中見到，大家相互了解包容、彼此尊重、和平守法，遊行完結後大家和平散去，有的會同大家講下年再見。我地曾經以此為傲，因為觀乎環球各地，鮮有如此大型的群眾活動可以進行得如此和平理性，沒有衝突。


不能否認的近年社會矛盾係越來越深，政權跟民眾既對立更見尖銳，示威人士跟警察既衝突更係司空見慣，一言以蔽之就係激進既聲音正係不斷冒起。我對此風氣沒太大感覺，因為在自由社會各人有選擇如何表述觀點既權利，只要合乎法規就是。如要公民抗命，對抗他們眼中的「惡法」，就請有心理準備被「惡法」制裁。


但令人擔心的是有一種偏激的聲音不斷的膨漲，以一種唯我獨尊的態度對觀點不同的人作出肆意的批評，那怕只是抗爭手法的不同，只要是非我族類其心就必異，必要堅定的痛詆。其中一種就典型的論述就是：「你唔行出黎就係專政既幫兇」，或者「六四集會都18萬人啦，7.1大遊行又點會得11萬人呢」去指責學者被河蟹，以民粹既態度去指責、無視用不同方式去發表意見既市民。

利益申報，我係無參與七一遊行，而我係敬重今日行出黎參與遊行的所有人，但都請大家尊重所有未有參與遊行的普羅大眾。參與遊行係一個表達訴求同立場既場合，但我並唔認為參與完遊行後就會係得到一個話語權，就可以批評唔參與既人係被煮熟，唔企出來就係與高牆為伍。講到自己行完七一就係為社會做左一場轟天動地既革命咁樣。

呢種二元對立既言論跟強權說沒有出來遊行的人是支持自己既言論係毫無分別，為的只係要突顯自己既優越性，為的是要置自身於無懈可擊的道德高地。

每一個人都可以選擇自己關心社會既方法，點解我一定要依照你地既方法？而更糟糕的是點解當我唔依照你地既方法行事，就係等如唔關心自己既地方？唔通要跟住指定的方法行事我先可以稱得上愛香港愛國家？這種乖張狂惘跟專制政權又有何分別？我明白並不是所有人都有此思想，然而我見到一部份狂熱份子當遇上非我族類時，即加以口誅筆伐，他們口中會說一百樣人應有一百種聲音，但當其中有聲音與之相悖即加以文攻（鮮有出現武鬥，因為佢地講就兇狠，做就碌撚），變成「一百樣人應有一百種批評政權的聲音」，呢種人所展現的和專政無異，但呢類人卻越來越多，氣焰越來越大，這是我所擔心的。